Auto bieu a pega na candela na Alto Vista

ORANJESTAD (AAN): Den oranan di atardi, Central di Polis a wordo notifica riba un candela, supuestamente den mondi na Alto Vista.

Na yegada di Brandweer, a bin resulta cu un auto bieu tabata na candela y esaki a cuminsa plama den e mondi. Rapidamente, bomberonan a cuminsa paga e candela pa evita cu esaki por a bira mas grandi.

Segun informacionnan, un cacho cu a wordo adopta pa e becindario conoci como 'Buddy' tabata esun cu a alerta e doño di e cas riba e candela, door di keda blaf te ora cu el a sali for di cas pa wak kico tabata pasando. Di biaha el a yama Central y pidi pa asistencia di Brandweer.