ORANJESTAD (AAN): Diabierna anochi despues cu ya caba tur Stemlokaal a cera,
algo pasa di 8:30 pm a drenta informe di un accident riba caminda di Playa pa Tanki Flip, poco panort di e rotonde di WVB Boulevard na e T-weg cu ta bay pabao pa Cocorobana.
E prome unidad di Polis cu a yega, a bin nota cu ta trata aki di un accident entre un motorcycle y un sedan Nissan March net panort di Meida Supermarket.
Paramediconan cu a presenta na e lugar mesora a atende cu e motociclista. Loke por nota na e lugar eynan, e Nissan March cu number A-22673 bayendo panort, a sortea na su man robez sin duna preferencia na e motorcycle cu ta bayendo zuid.
Na e T-weg aki den pasado, ta hopi accident a yega di socede unda chauffeurnan ta “take chance” na forma peligroso, y tabatin hasta accident fatal eynan.
Polis a cera caminda, y polis di trafico a presenta pa a haci un investigacion. Na final ambulance a sali direccion Hospitaal cu e victima.
