Auto a dal turista di edad grandi net riba caya Berea di Piscado

Net dilanti entrada di Radisson Blu

ORANJESTAD (AAN): Diadomingo anochi, Polis a solicita presencia di ambulance cu urgencia dilanti entrada principal di Radisson Blu, como cu auto a dal un peaton turista.

   Tabata ya pasa di 10'or cu polis a bay poco pura riba e caya ‘Berea di Piscado’, cu ta situa panort di Paseo Herencia Mall cu ta bay pa MooMba.  Ora cu nan a yega, a bin descubri cu un auto sedan Toyota Altezza color blanco a dal un turista.  E peaton a ricibi golpi fuerte na cabes y a keda abao riba caminda drumi.

   Ambulance di ImSan a yega basta lihe pa duna e asistencia necesario.  Aki a tuma decision pa bay cu ne urgente pa Servicio di Emergencia di Hospital pa haci examen necesario.

   Polisnan a tuma nota di un rastro basta largo di brake, di como 9,7 meter largo.  Esaki ta indica cu posibelmente e chauffeur no a mira e turista y ta ultimo momento a dal’e.

   E caminda a worde cera, y Specialista di Trafico hunto cu Forensys a haci nan parti di investigacion. E turista a worde transporta pa Hospitaal, no ta conoci con serio e golpi patras di su cabes ta.