Altocomisario a duna tur miembro di Cuerpo Policial un regalo pa fin di aña

ORANJESTAD (AAN): E aña aki un biaha mas altocomisario di polis drs. Ramon Arnhem ta gradici su personal tanto polis como personal administrativo pa nan sosten,

esfuerso, tempo y dedicacion pa sirbi pais Aruba pero tambe mantene e organisacion Cuerpo Policial Aruba riba pia.

Cada aña altocomisario di Polis den un forma humilde ta brinda e atencion pa su personal dor di duna un regalo chiquito pa asina demostra cu cada un personal di KPA ta central. “E tabata un aña cu su retonan pero tog nos tabata tin momentonan di alegre, bunita y positivismo como un famia blauw” tabata palabranan di altocomisario Arnhem.

   Tambe 50 personal lo wordo escohi den un tombola digital y lo haya un regalo extra.

Personal lo haya un mug cu tin un dicho importante na momento cu bo pone awa cayente den dje cu ta hiba e palabranan di  Happiness is not getting all you want, It is about enjoying  all you have.”

    Un miho momento pa gradici nos personal y duna nan e atencion mereci den e temporada aki di december na unda cu como un famia blauw nos ta enfoca riba nos rumannan den blauw.

Henter aña 2024 altocomisario di polis Ramon Arnhem su atencion tabata e bienestar di tur personal. Esaki ta su prioridad y elo sigui traha y mantene esaki na halto pa un ambiente mas sano y saludabel.