Auto a dal adicto ambulante kende ta cana semper cu su garoshi

ORANJESTAD (AAN): Dialuna anochi banda di 7:00 pm, e adicto ambulante cu ta wordo yama ‘Buding’ y

cu semper ta cana rond den Playa cu un garoshi di supermarket cu su potoshinan aden, a cruza caya sin mira pa trafico y a wordo atropeya.

   Central di Polis a core manda un patruya den Caya Betico Croes net dilanti e dealer Jossy Motors.  Polis a yega y a nota cu un Toyota Corolla color cora kima cu number A-2029 cu daño minimo djis na pida robez dilanti di e bumper.  Esey nifica cu e chauffeur a purba brake na tempo, pero toch no por a evita e impacto, y kizas a mishi cune.  Debi na esaki e garoshi a bolter y tur su pertenencia a cay riba caya.

   Ambulance a yega, y Paramediconan a check Buding, y a dicidi pa bay cune Hospital pa saminacion mas avanza.