Accidente serio riba caminda di Savaneta pa Cura Cabay

ORANJESTAD (AAN): Diasabra anochi pa 7:00 pm, diferente yamada a cuminza drenta na autoridad,

pa raporta un accident grave cu a socede riba Green Corridor, entre Savaneta pa Cura Cabay.

   Testigonan ta yama indicando e accident serio, unda cu auto a bolter y ta sacando huma.  Esaki a pone cu tanto Polis di San Nicolas, Ambulance, y tambe Brandweer a mobiliza pa e lugar di accident.

   Polis a yega, y bin topa na altura di Cura Cabay 36-A cu un vehiculo 4x4 tipo Suzuki Jimny pickup gekenter.  Esaki ta net pazuid di JR Autocenter di Cura Cabay.  Banda panort di caminda cerca di JR Autocenter tin un auto compacto Daihatsu Cuore basta kibra, pero riba su cuatro wielnan.

   Ambulance cu a yega for di ImSan, a atende cu e heridonan.  E homber den e Suzuki a resulta herida, y tambe e dama den e Daihatsu.

   Polis di trafico a presenta y caminda a keda cera pa basta rato, debi cu e vehiculo y e auto tabata kibra y meymey caminda.