Accidente fuerte entre tres auto na Palm Beach a resulta den varios herido

ORANJESTAD (AAN): Diabierna atardi a sosode un accidente fuerte riba Palm Beach,

envolviendo tres vehiculo, caminda un dama a resulta herida y varios persona mas a ricibi lesion leve.

Segun informacion obtene riba sitio, polis y ambulance a wordo pidi cu urgencia pa motibo cu tabata trata di un colision bastante severo. Un di e vehiculonan a subi riba acera, caminda un peaton a wordo herida. Patruyanan di Noord y ambulance a yega rapidamente y paramediconan a duna asistencia inmediato na e dama cu tabata den un Chevrolet Aveo.

Segun testigonan, un auto di compania a subi caminda, supuestamente sin duna preferencia na e Chevrolet Aveo cu tabata biniendo di pariba cu velocidad halto. E chauffeur di e Aveo a reacciona rapidamente, hala bay man robes pa evita un impacto frontal, pero na es mes momento a topa cu un Suzuki Swift.

E golpe entre e Aveo y e Swift a causa cu e Aveo perde control, bay man rechts y dal un palo di luz, cu a kibra den dos y cay riba un Nissan Pathfinder cu tabata staciona cerca di caminda.

Den total, cuater persona a tabata herida y Paramediconan a atende nan mesora.