Accident riba WVB Boulevard a laga chauffeur herida

ORANJESTAD (AAN): Polis di Playa a ser manda cu urgencia pa check un accident entre un vehiculo y un auto riba WVB.

   E accident aki cu a laga un persona herida, a socede Diahuebs merdia riba Watty Vos Boulevard, riba e pida entre Tanki Leendert pa Ponton, como 50 meter prome cu yega e rotonde na Ponton.

   E choque tabata fuerte entre un vehiculo SUV tipo Mazda CX-5 color blanco cu number A-26677 y un auto sedan Hyundai Elantra color shinishi-cla cu number A-30570.

   Ambulans tambe a yega pa asina atende e herido den e Hyundai Elantra cu despues di e impacto a dal un buelta di 180 grado y finalisa banda panort di caminda. E Mazda a baha banda robez di camida, subi e partimento mey-mey.