Accident anochi laat entre bicicleta y auto net dilanti Resort

ORANJESTAD (AAN): Diabierna anochi poco despues di 10:00 pm, Central di Polis a dirigi un patruya rumbo pa Irausquin Boulevard na Eagle,

net na entrada pa Costa Linda Beach Resort, unda a raporta un accident entre un auto y un bicicleta.

   Polis cu a yega a yega eynan, a constata cu un auto compacto Hyundai Getz color preto cu number A-13638 saliendo di e Resort tabata esun envolvi. Ta asina cu e vehiculo ta wordo maneha pa un persona kende a caba di traha, a hay'e cu un bicicleta sin luz ta moviendo di pazuid ta bin dal contra dje.

   Debi na e impacto, e ciclista a resulta a herida, y tabata necesario pa pidi un ambulance. Paramediconan cu a yega a duna e ciclista e asistencia necesario y despues a bay cu ne rumbo pa Servicio di Emergencia na Hospital.  Polis di trafico y tambe Forensys a presenta pa atende cu e caso aki.