Den conferencia di prensa na Universidad di Aruba:
ORANJESTAD (AAN) – Den conferencia di prensa, cu a tuma lugar na Universidad di Aruba, señora Julie Thode, a introduci su mes como Lider di e Codigo di Proteccion, area di Enseñanza.
Thode a splica cu cuater sector ta bay aplica e ley aki, cu ta Husticia, Social, Salubridad y Enseñanza. Seguidamente, Efrain Surendonk, Lider di e proyecto pa e sector social, a menciona cu nan ta hopi contento cu nan ta bay cuminza cu un survey, pa wak con e codigo ta wordo aplica den e veld, y cu nan a haya “goede medewerken” di Universidad.
Surendonk a expresa cu nan ta sumamente orguyoso cu e ley a drenta na vigor, pasobra e proteccion di nos muchanan ta sumamente importante, y ta un tema cu pa hopi tempo caba tabata un tabu, y aworaki ta bin mas y mas pafo di e esfera di tabu, y e lidernan di e proyecto tey pa seguridad di e muchanan.
