ORANJESTAD (AAN):Un multitud grandi di persona tabata presente recien na e establecimento di SharQy’s den Harbour House na Playa,
pa presencia e momento cu e organizacion di Miss Youth Aruba, a instala e mucha simpatica, Kimora Mohamed Williams como ‘Baby Sister Miss Youth Aruba 2026’. Kimora Williams a wordo instala cu su sjerp door di e simpatica Zahira Mohamed, kende ta Little Sister Miss Youth Aruba, kende ta tanta di Kimora. Posteriormente a toca honor na Jorge Kock pa corona Kimora.
Den mic, cu briyo Kimora a bisa cu e tin 7 aña di edad y e ta bishitando Mon Plaisir Basisschool, y a anuncia cu su docente yama Jazz y ta un juffrouw lief. Como hobby, Kimora gusta traha armband di plastic y bay pasa dia na lama. E tabata contento cu su famia, incluyendo wela y welo y tanta ta eynan pa presencia su coronacion e anochi ey.
