Sosteniendo Salud Mental den Comunidad Deportivo di Aruba
ORANJESTAD (AAN): Comision di Atleta Aruba ta orguyoso di sostene e investigacion importante aki tocante e conocemento di Salud Mental y Bienestar den comunidad deportivo di Aruba. Nan ta invita tur atleta, entrenador y miembro di federacion den henter Aruba pa tuma un par di minuut y comparti nan experiencia y opinion.
Den comunidadnan chikito manera Aruba, hopi biaha e tema di salud mental den deporte no ta haya suficiente atencion. Bo participacion por yuda identifica necesidadnan, aumenta conciencia, y contribui na crea recurso y sosten real pa atletanan y profesionalnan deportivo di e isla.
Cada contesta ta yuda nan compronde con por crea un ambiente deportivo mas saludable, sigur y sostenibel pa tur hende.
Corda cu e encuesta ta completamente anonimo. E ta habri pa atleta, entrenador y miembro di federacion na Aruba. Pero tuma nota cu participantenan bao di 18 aña mester tin consentimento di mayor/voogd.
Lamentabelmente muchanan bao di 10 aña no ta participa pa motibo di e temanan discuti.
Pa participa na e encuesta, bishita e website aki:
Bo bos ta importante y por haci un diferencia real pa futuro di deporte na Aruba. Di antemano ta gradici tur esnan cu ta yuda den e encuesta.
