ORANJESTAD (AAN): Dialuna ultimo a tuma luga un conferencia special pa conmemora 35 aña di nos Status Aparte cual a resulta un exito.
E programa aki lo wordo ripiti durante fin di siman y pa e motibo aki Gobierno di Aruba ta invita comunidad pa sintonisa riba diasabra y tambe diadomingo ripiticion di e Conferencia 35 Aña Status Aparte – Aruba Ta Di Nos Tur.
Esaki lo wordo pasa diasabra 27 di november pa 12'or di merdia na Telearuba, pa 3:30 pm na Canal 48, Diario TV y pa 7'or di anochi na Canal 22. Riba diadomingo 28 di november 2021, e programa lo wordo pasa pa 10'or di mainta na Canal 22 y pa 9:30 di anochi na Telearuba.
E programa aki ta repasa brevemente e historia di e Status Aparte di nos Pais y su protagonistanan.
