Yudando Kip recauda fondo pa e bay busca su salud na Merca

ORANJESTAD (AAN): Tin un dicho cu ta bisa, union ta hasi forsa. Den e caso amigonan di Kevin Kip Hassel,

nan a reuni pa asina duna man pa prepara pa un fundraising Barbecue cu e team ta organiza.  Nan a pasa man pa verf y kwashi pa asina duna e lugar un look nobo special pa e fundraising.

   E tin como meta pa asina recauda fondo pa asina Kip por bay Merca, y asina busca cura pa su salud.

   Basa ariba esaki, lo bay tin un bendemento di Barbecue acompaña cu un Mini Car and Bike show, cu ta bay tuma lugar riba Diadomingo 13 maart 2022 na cas di Kip mes.

   Algo cu sigur ta hopi importante y cu Kip mes ta pidiendo, pa ningun hende cu kier bin su fundraising cu intencion di hasi desorden cu auto of brommer, miho no bin mes, ya cu mester respeta e trankilidad di e bisiñanan, sinembargo ya caba tin varios grupo di brommer y auto cu a confirma di lo tey pa yuda Kip cu su fundraising.