ORANJESTAD (AAN): Den fin di siman, DIARIO a haya sa cu Rotaract Club of Aruba ta cla pa ranca sali cu nan proyecto anual “Un P’ami, un P’e”.
E aña aki Rotaract su meta ta pa colecta pakete di producto higienico pa 188 di nos grandinan cu ta biba den S.A.B.A.
For di e miembronan dinamico di Rotaract, a haya sa cu durante e luna di Mei 2021 pasa shop diasabra of diadomingo na e localidad di mas grandi di Op=Op na Italiëstraat durante horario di 9’or di mainta te cu 1’or di merdia pa haci bo compra di producto higienico pa nos grandinan.
Tin 15 producto riba e lista cu nos grandinan ta haci uzo di dje diariamente.
Tin mas forma cu bo por yuda, esta haci un donacion efectivo na e negoshi tambe, of contact directo cu Rotaract Club of Aruba na 565-5045 pa haci deposito di un donacion.
