YMCA y Freewinds cu e programa ‘E caminda pa felicidad’

ORANJESTAD (AAN): Den e mundo di awendia traficacion di droga ta noticia tur siman,

inflacion y aumento di prijs ta afectando famianan mas cu nunca y den e mesun rosea no tin aumento di salario pa combati e demanda grandi den nos comunidad. Kico nos por haci pa nos hobennan tin speranza den nan futuro? Con por logra cu un mucha por haci un bon escogencia den e mundo turbulento cu nos ta biba aden?

   Pa contesta e preguntanan aki YMCA y The Freewinds  a traha hunto pa entrega e programa” E Caminda pa Felicidad” na e muchanan di 8 pa 14 den nan programa di YMCA.

   Durante e entrega tur mucha a recibi nan propio copia di e buki “E Caminda pa Felicidad” na Papiamento. E Caminda pa Felicidad ta un buki no religioso basa riba codigo moral y basa riba sentido comun, skirbi pa L. Ron Hubbard. E ta yena e vacuum moral den un sociedad mas materialista tur dia. E ta contene 21 principio basico cu ta guaia un persona na un mihor calidad di bida pa nan mes, nan famia y esnan rond di dje.

   E muchanan tabata asina excita cu bo por a sintie den e local. Una bes cu nan a cuminsa lesa e buki nan a mustra hopi interes y inmediatamente nan a cuminsa lansa preguntanan al caso na e representante di Freewinds, cu a duna e seminario. Na final di e prome seminario e muchanan a keda hopi excita  pa sa precies na unda y ki ora e siguiente les lo ta.