SAN DIEGO: Un barco crusero di Holland America Line a dicidi na bira bay bek pa su waf original,
despues cu oficialnan di salud na Mexico no a permiti pasaheronan pa baha na tera na Puerto Vallarta, pasobra tabatin hendenan positivo pa Covid-19 abordo.
Departamento di Salubridad Publico di e estado Mexicano di Jalisco, a indica cu 21 miembro di tripulacion abordo di e barco a test positivo pa Covid-19 ora cu nan a yega Puerto Vallarta riba Diahuebs.
Si acaso nan laga e pasaheronan baha, e por ta potencial pa mas contagio, y pesey no a permiti nan di baha di e barco.
Ta via di test abordo, nan a confirma cu nan tin un cantidad chikito di miembro di tripulacion abordo di Koningsdam cu a test positivo pa Covid-19. Tur di nan tin sintoma leve of no tin sintoma mes, pero ta den isolacion. Tur contacto cercano a wordo poni den cuarentena tambe djis por si acaso.
E barco a bandona Puerto Vallarta mesora, ora cu nan a ricibi informacion cu huespednan lo no wordo permiti pa baha bay tera. Pues e barco a bay bek y Diadomingo a yega bek na San Diego unda e viahe a start.
E barco tabatin 874 miembro di tripulacion, y 1.035 pasahero. E viahe tabata inclui bishita na Cabo San Lucas, y Mazatlan.
