Workshop di salud mental tabata uno cu Scouting Aruba a haya hopi interesante

ORANJESTAD (AAN): Tanto dia 6 di Mei como tambe 17 di mei 2021, Scouting Aruba a tene un workshop cu e tema “Mental Health”.

    Sra. Patricia Winklaar, un coach certifica procedente di Hulanda a duna 2 anochi di sesion. E prome tabata na nos lidernan di grupo y directiva y e di dos anochi tabata pa demas lidernan y tambe a forma parti di e workshop aki e miembronan di A.P.G.

   DIARIO a compronde cu esnan di Scouting a keda contento cu e workshop masha fructifero cu a yuda cada un di nan pensa y reconoce ki ora bo tin un problema cu bo salud mental y kico bo por haci pa controla esaki of yuda bo mes.  Hasta si acaso e ta algo mas serio, a haya sa di e camindanan cu bo por cana pa busca yudansa profesional.

   Directiva di Scouting Aruba ta masha contento di por a haya e oportunidad pa ofrece e workshop aki pa su miembronan adulto y tambe na nos rumannan di A.P.G.