ORANJESTAD (AAN): Crisis Team a duna di conoce diabierna cu 12 persona a recupera, mientras cu a registra un total di 10 caso nobo di Covid-19, di cual 3 ta no-residente.
E cantidad total di testnan ehecuta diahuebs na e diferente localidadnan na Aruba, entre otro laboratorio di hospital, laboratorionan priva y aeropuerto ta 705 test.
'Positivity rate' entre residentenan ta 10%.
Casonan activo ta 68 (55 residente). E cantidad di fayecido relaciona cu Covid-19 ta 106.
Hospital a informa cu tin un total di 17 persona interna di cual 5 ta den Cuido Intensivo y 12 riba unidad general di Covid.
