Women’s Club of Aruba cu atencion pa Cancer di Pecho

ORANJESTAD (AAN) - Diasabra 15 di October ultimo, Women’s Club of Aruba a tene su reunion

general di miembrecia na La Cabana Beach Resort. E prome parti di e reunion

ta e parti formal y despues a sigui e parti di concientisacion pa medio di

charla.

E luna aki cu ta e luna dedica na cancer di pecho, e comision di Program a

cubri e topico di Cancer di Pecho cu ta un cancer cu ta toca na porta di

miyones di hende muhe rond mundo. Tur hende a coopera den esaki, door di

bin bisti cu algo roos. Sra Lily Prince di Koningin Wilhelmina Kanker Fonds

(KWKF) tabata e invitado principal pa elabora riba e tema aki y a informa con

y unda KWKF ta yuda e pashentnan cu ta sufri di Cancer di Pecho aki na

Aruba. Despues di un presentacion cu hopi informacion valioso, miembronan

presente y invitadonan den sala por a haci pregunta y nan a haya contesta na

un forma hopi profesional. Dos dama cu a sobrevivi  e malesa aki, a bin duna

nan testimonio valioso.

 Prome cu final di e reunion, drs. Mervin Wyatt-Ras, kende a specialisa su

mes den ortopedagogia y terapia di famia, tabata invita pa ta e siguiente orador

y el a duna un presentacion tocante violencia domestico, cu ta e topico pa e

luna di November. Drs. Mervin a duna tur informacion necesario y importante

tocante e topico aki, pa e ser femenino paga mas tino riba e señalnan di

violencia contra su persona y cua ta e caminda pa cana. 

Un palabra di gradicimento ta bay na e comision di  Program, muy en especial

na Mary Taylor, kende ta chairman di dicho comision.

Fotonan pa cortesia di Emperatriz Perdomo