Wit Gele Kruis cu training con pa traha cu personanan cu limitacion mental

ORANJESTAD(AAN): Wit Gele Kruis (WGK) a organiza un curso/training special pa personanan cu ta traha y tin cu atende cu personanan cu limitacion mental.

Monique Giel Labad di WGK a splica cu pa e curso a busca un psicologo y un logopedista for di Corsow.

“Via e training aki nos ta haya extra herment con pa traha cu y guia e personanan aki un tiki mas mihor”.

WGK a bin cu e training aki pasobra nos ta topa cu basta mama teenager cu limitacion y nos kier siña extra con pa dirigi e cliente, segun Labad, kende a indica cu algo importante cu a bin dilanti ta cu mester tin hopi pasenshi cu persona cu limitacion mental, leve of pisa.

“Nos a bin cu e iniciativa aki pasobra WGK ta haya e clientenan aki y ta traha hopi di cerca cu nan”.

Ta algo cu semper a inspirami pa trece e proyecto aki pa Aruba, unda cu tur e profesionalnan cu a participa durante di e training aki ta profesionalnan cu ta traha di cerca cu e clientenan aki, segun Labad, kende a indica cu e meta ta tambe pa sigui duna e curso aki tambe na otro profesionalnan.