Wind Creek Aruba ta regala 210 alumno un bon comienso di e aña escolar nobo

ORANJESTAD (AAN):   Wind Creek Aruba ta orguyoso pa comparti un iniciativo di gran balor den nos comunidad.

Pa medio di su comite encarga cu responsabilidad social pa cu e comunidad di Aruba a otorga un donacion pa nos alumnonan y nan famia.

Wind Creek Aruba ta kere firmemente cu educacion ta un derecho fundamental, y cu cada hende mester por tin e oportunidad pa sigui su educacion den un manera digno y sin obstaculo. Den un gesto pa nos comunidad a regala 210 alumno di 35 scol basico di varios districto un certificado. Cada certificado lo cover tres polo shirt di uniform y un set pa gym, percurando cu e alumnonan por cuminsa e aña escolar nobo.

Diamars 8 di juli, 2025, diferente representantenan di e scolan a bin hunto pa ricibi e certificadonan pa nan alumnonan. E tabata un momento di union, scolnan cu tin e compromiso cu e muchanan y Wind Creek Aruba cu e compromiso pa duna back.

Na Wind Creek Aruba, nos ta kere cu como compania nos tin cu inverti den e futuro di nos comunidad— y esey ta cuminsa cu nos muchanan,”  Queta Werleman di e Wind Creek Aruba Comitee a declara.

Cu e donacion aki, ta spera di duna un apoyo concreto pa e alumnonan y nan famia, especialmente esnan cu ta enfrenta reto financiero. Aruba tin un gran necesidad di yudansa den e area di educacion, y nan ta comprometi pa sigui haci nos parti pa duna un man.

Nan ta gradici tur scol, maestro, y colaborador cu ta traha duro pa garantiza un miho futuro pa e muchanan na Aruba.