Special pa Long Table
ORANJESTAD (AAN) : Wind Creek Aruba ta invita pueblo di Aruba pa vota pa e organizacion local cu a worde selecciona e aña aki pa participa den e di 6 edicion di Long Table Aruba. “Nos ta compronde e importancia di conecta cu e comunidad y nos ta desea di sostene organizacionnnan local na e manera cu lo realmente ta beneficia e comunidadnan di Aruba,” asina Sr. Paul Gielen, Gerente General di Wind Creek Aruba a declara.
E proceso di votamento aki ta un parti crucial di e mision di Long Table Aruba y nos ta conta cu Aruba su sosten y apoyo pa nos organizacionnan local.
E aña aki Wind Creek Aruba a cambia e proceso y a selecta 10 organizacion activo den comunidad y a invita esaki nan pa participa. Cada un di e organizacion aki tabata tin e tarea di crea un video impresionante, cu e oportunidad pa gana un sosten financiero. E seleccion di e aña aki ta enfatisa riba e yudansa na nos grandinan y sosten pa nos hobennan cu ta enfrenta circunstancianan desafiante. Cu e focus pa renoba e bienestar den nos comunidad, Wind Creek Aruba ta compromete su mes pa haci un cambio y impacto den bida di esnan cu ta den necesidad.
Cera conoci cu nan meta y mision di cada un di e participantena aki y vota pa bo organizacion preferi prome di 31 di Mei. Esaki ta bo chens pa haci un impacto significante y sostene e organizacion local preferi.
Con pa vota:
(1) Bishita e website aki:
(2) Disfruta di e 10 videonan di e organizasion nan cu a worde seleciona e aña aki.
(3) Vota pa bo organizasion preferi prome cu dia 31 di Mei, 2024.
E evento di e aña aki, lo tuma lugar diadomingo 9 di Juni, cu un mesa largo di 1,000 pia cu lo worde prepara pa 1,000 invitado, dilanti di Renaissance Wind Creek Aruba Resort. Desde aña 2017, Long Table Aruba a recauda mas cu $285,000 pa organizasionnan local y ta un evento sumamente importante pa Wind Creek na Aruba.
Haci un impacto den comunidad ta un principio di operacion di Wind Creek Aruba. Sr Gielen ta continua “Nos ta sumamente orguyoso pa no solamente ofrece un experenicia exceptional pero alaves por conecta cu e pioneronan pa por mira con y kico mas lo por haci pa por sostene nan metanan. Nos ta sinti nos mes honra pa por ofrece e pueblo di Aruba un anochi inolvidabel unda nos ta duna back, y celebra hunto cu nos comunidad di Aruba.
