Ministronan Oduber y Croes a ricibi e prome medayanan di KLM Aruba Marathon 2024

oRANJESTAD (AAN): Durante un encuentro oficial cu e organizadornan di KLM Aruba Marathon 2024 a tene cu Gobierno,

nan a dicidi na otorga na tanto Ministro di Turismo, Dangui Oduber, y tambe Ministro di Deporte, Endy Croes a ricibi un bunita gesto, den forma di e prome medayanan cu lo bay wordo otorga na tur atleta cu participa den e evento.

   Entrega di e medayanan aki na ambos Ministro a tuma lugar door di Kees van Muiswinkel, kende ta presidet di Fundacion Run in the Sun Aruba, y tabata como un gesto di gratitud na isla di Aruba.

   Fundacion Run in the Sun Aruba a wordo estableci na 2018 pa promove turismo, coremento, y un bida saludabel riba e isla, y ta organiza e KLM Aruba Marathon cada aña.  Diasabra dia 1 di Juni venidero, esaki lo bay ta e di seis edicion di e maraton, y nan lo bay tin 2.500 participante, incluyendo 600 coredor internacional, hunto cu nan famia y amigonan.  Pues nan ta trece hunto como 1.380 turista pa Aruba djis den cuadro di e evento.

   KLM Aruba Marathon ta cumpli cu e standardnan di mas halto internacionalmente, y ta certifica pa AIMS/IAAF.