ORANJESTAD (AAN): E siman aki, Prome Minister a reuni cu Directora di Departamento di Recurso Humano (DRH), señora Omaira Lares.
Aki a trata topiconan entre otro riba e diferente proyectonan andando pa hisa eficiencia den aparato gubernamental, reorganizacion, structura di salario y sistema di evaluacion.
Den e Relato Anual 2023 di e ministerio Prome Minister Evelyn Wever-Croes tin un paragraf di e Departamento di Recurso Humano (DRH) na unda ta duna informacion riba varios tema cu a worde descuti den e reunion pa e maneho di aña 2023.
Pa esnan cu ainda no a lesa Relato Anual 2023, por lesa esaki riba website aki:
Gobierno di Aruba hunto cu DRH lo sigui traha riba e plannan proyecta pa 2024 riba e temanan menciona y garantisa un aparato gubernamental mas eficiente.
