Wind Creek Aruba ta introduci un sistema di parkeer facil y eficiente pa tur bishitante

ORANJESTAD (AAN): Entrante Dialuna 2 di Juni 2025, Wind Creek Aruba lo introduci un maneho nobo di parkeer,

y esey lo ofrece e nivel mas halto di servicio y accesibilidad mas fasil pa tur bishitante. Como parti di e compromiso pa sigui mehora e experiencia pa tur bishitante di nos resort, e sistema di parkeer lo duna accesibilidad di entrada y parkeer mas fluido, mientras ta sostene e demanda di atraccion y experiencia nan riba e propiedad.

   Bishitante cu ta staciona nan auto na banda di Renaissance Convention Center y na banda di Renaissance Ocean Suites lo disfruta di tres ora di parkeer gratis ora cu ta bishita nan restaurant-, tiendanan, casino, Renaissance Convention Center, of cualkier otro outlet di Renaissance Wind Creek Aruba Resort. Cu e sistema nobo aki di parkeer tur bishitante lo disfruta di un entrada y parkeer garantiza na ambos parkeerplaats.

   Importante pa sa: (*)             Huesped cu lo kier drenta na e boom di parkeer na entrada di Renaissance Marketplace (na banda di Restaurant Kalin’s) lo ricibi un ticket di parkeer.  (*) E prome 3 ora di parkeer ta gratis. Huesped cu lo sali prome cu e 3 ora nan NO tin mester pasa paga na e kiosco di pago. E ticket di entrada lo ta bo ticket di salida.

   Pero huesped cu ta keda (parkeer) mas cu 3 ora, lo paga cu e ticket cu a ricibi na entrada na e self-service kiosk banda di e ATM, mey-mey di Renaissance Marketplace prome cu bolbe na nan auto pa sali na e boom.  (*) Mester tin un ticket valido pa por sali di e parkeerplaats.

  (*) Tarifa ta cuminsa na 12 Florin pa 3~4 ora, cu 3 Florin pa ora adicional y un maximo diario di 30 Florin.  (*) Nota cu bo por paga solamente cu debit/credit card. No ta acepta cash.

   “Nos ta implementa esaki pa segura cu tur huesped, si acaso ta pasa pa un coffie rapido, bo lunch of un cena parti atardi, of cualkier evento, por ricibi un experiencia di parkeer eficiente y sigur,” asina Sr. Paul Gielen, General Manager a menciona. “Esaki ta un paso mas den nos desaroyo pa sigui sirbi nos comunidad local y global cu pasion y calidad.”