Wind Creek Aruba a honra empleadonan cu a sali mihornan di dos cuartal

ORANJESTAD (AAN): Wind Creek Aruba, ta anuncia orguyosamente e ganadornan di diferente categoria pa Best of the Best di e di 2 cuartal.

Pa e cuartal aki, nan tabatin tin un total di 81 nominado, incluyendo 30 lider y 51 empleado, tur a demostra nan dedicacion na nan mision.

   E programa "Best of the Best" ta duna oportunidad na tanto e personal como pa lidernan reconoce e miembronan cu realmente ta biba nos proposito y cu constantemente ta duna mas… e ‘extra mile’ den nan trabao.

   Compania ta contento di anuncia e siguiente miembronan di equipo cu a sobresali den nan categoria respectivo:

   Categoria di “Enthusiastic Commitment to the Purpose” a bay pa Albertico Arends (Ingenieria, Plomero).

   Categoria di “Inspired and Empowered Team Member” a bay pa Adrian Martilia (Ingenieria, Tecnico HVAC).

   Categoria di “Do it Right, Be the Best, Have Fun” a bay pa Merly Cardenas (Blue Bar, F&B Head Bartender).

   Categoria di Guest Focus a bay pa Pauline Ashley (Ocean Suites, Asistente di camber di mantenshon).

   Categoria di “Leadership” a bay pa Estrella Hermsen (Personal, HR Senior Business Partner).

   E celebracion di e trimester aki tabata tin e tema di espacio, a transforma Renaissance Convention Center den un atmosfera cosmico, preparando asina e escenario pa un anochi di celebracion y reconocimento. E anochi tabata dedica na honra e logronan remarkabel di tur 81 nominado y celebra contrubucion sobresaliente cu cada un ta aporta tur dia na e huespednan.

    Pabien na tur e ganadornan y nominadonan di 'Best of the Best Q2’ Nos compromiso ta pa inspira y fortalece nos equipo pa haci tur cos na e manera corecto, pasa ratonan bon cu otro, y por ta nan mes na tur momento.