ORANJESTAD (AAN): Consulado na Curaçao a haya un Consul General nobo.
Ta trata aki di John McNamara, kende ta bira Consul General Mericano pa Curaçao, y ta Chief of Mission pa Aruba, Bonaire, Curaçao, St. Maarten, St. Eustatius y Saba.
McNamara a fungi como un oficial halto di Foreign Service na State Department di Merca. Diaranson cu a pasa el a yega Curaçao y a asumi su funcion como U.S. Chief of Mission y Consul General.
Te cu recien, McNamara tabata Deputy Chief of Mission y tambe e Charge d’Affaires na Embahada Mericano na Lima, Peru. Otro funcionnan cu el a ocupa den exterior a inclui e Embahada Mericano na Bogota, Colombia, unda el a sirbi como Consehero Politico durante e ultimo dos aña di negociacionnan di paz di Gobierno Colombiano cu e Grupo FARC. El a sirbi tambe como un Consehero Provincial na Babylon, Irak, y despues na e Embahada Mericano na Baghdad. Cu dos trabao na Afghanistan, el a sirbi den e Team di Reconstruccion di Kandahar, y tambe a e Embahada Mericano na Kabul.
Durante tareanan na Washington, DC., McNamara a duna les tambe na National Defense University, a traha dos biaha na Oficina di State Department di Asuntonan Mexicano, y tabata e Senior Desk Officer na State Department pa Venezuela.
McNamara a logra su titulo di Bachelor of Science na United States Military Academy na West Point, y su Master of Arts Degree di United States Army Command and General Staff College. E ta papia basta bon spaño.
