Wind Creek Aruba a honra 21 graduado di nan programa di certificacion GED

ORANJESTAD (AAN): Wind Creek Aruba, e empresario preferi na Aruba, a lansa un programa pa nan empleadonan “GED Certification Program” na luna di april ultimo.

Dirigi pa duna nan empleadonan e oportunidad pa crece y desaroya nan mes, Wind Creek Aruba a cuminsa cu e iniciativa aki, pa desaroya talento individual. Nan a scoge pa haci esey na un forma nobo, pues na pia di trabao, bou di orario di trabao, manteniendo salario y cubriendo tur gasto di e programa pa cada empleado.

   Como cu Wind Creek Aruba ta un compania enfoca riba proposito, y cu tin como prinicipio principal pa tur hende sinti un sentido di pertenencia y importancia, nan ta reconoce e balor di inverti den nan miembronan di ekipo, pa asina nan por sigui crece personalmente y profesionalmente. Haciendo esey posibel lo contribui positivamente na nos comunidad y pais. Pa por a realisa esaki nan a cuminsa un colaboracion cu “International School of Aruba”, y awe  por bisa cu hopi orguyo cu Wind Creek Aruba tin 21 graduado pa e aña 2023.

   Lamentablemente no tur hende ta logra obtene un diploma pa varios motibo. Nan ta cuminsa traha contribui cu nos pais y ta sirbi nos turistanan fiel. Pesey Wind Creek Aruba ta compromete su mes como un compania responsabel y ta inverti activamente den e desaroyo di su miembronan di ekipo. ‘Nos ta percura pa tin diferente oportunidad pa nos miembronan di ekipo por progresa, manera entrenamento den dunamento di servicio, cursonan di Ingles y Spaño y mas. Nos ta afortuna pa ta parti di e organizacion aki, asina Sr. Paul Gielen, General Manager di Renaissance Wind Creek Aruba Resort a expresa. Nos ta kere profundamente den e programa aki y awor hunto nos ta celebra 21 graduado’

   Como e prome compania na Aruba nan a start e programa aki cu 31 miembro di ekipo cu a pasa e examen di admision. Tur e miembronan aki ta biba e balor clave di compania cual ta ’Do it Right, Be the Best, Have Fun’.

   Dialuna anochi, tur graduado hunto cu nan invitado por a celebra e momento inolvidabel aki y a ricibi nan diploma for di Sr. Dennis Willeford, cabesante di ISA y Sr. Paul Gielen Gerente General di Renaissance Wind Creek Aruba Resort. Señora Tisa LaSorte, Presidente y CEO di AHATA tambe tabata presente y cada graduado a worde compaña cu nan manager y gerente ehecutivo. E anochi di gran logro y celebracion tabata yen di alegria y compliment pa e graduadonan cu a logra nan diploma y haciendo nan estudio banda di nan trabao regular.

   Algo cu ta remarkabel ta e graduado di mas grandi tin 56 aña y esun mas hoben, 21 aña. Tambe un mama y yiu homber a logra ricibi nan GED diploma na e mesun momento. Tabata bunita pa mira con e grupo a conecta un cu otro, trahando den diferente departamento, manera Wind Creek Crystal y Wind Creek Seaport Casino, Engeneering, Starbucks, Aquarius Restaurant, Accounting, Renaissance Island, Renaissance Convention Center y Front Office.

   Wind Creek Aruba a laga sa cu ya e ekipo di Recurso Humano ta planeando pa e siguiente programa GED pa e aña 2024. Nan ta trahando cu gran anticipacion hunto cu International School of Aruba, pa asina sigui ofrece nan miembronan di ekipo un educacion di nivel halto.