Weganan Popular exitoso di Don Flip Racing Foundation

ORANJESTAD (AAN): Diasabra riba 25 di Januari 2025, a celebra Dia di Betico na un forma unico na e Dam di Kas Ariba. 

Ta trata aki di Weganan Popular, organiza na un estilo magistral door di Don Flip Racing Foundation.

   DIARIO tabata presente na e actividad aki, y a admira pa mira con hopi diverticion tabatin.  Muchanan hungando den competencia di core den saco.  Por a mira e tradicional Balansamento di Auto.  Hopi hende a pasa un dia placentero, cu hopi cos di come y bebe.

   Un palabra di pabien na e comision organizador cu e actividad aki cu a atrae masha hopi hende mes.