ORANJESTAD (AAN): Un ciudadano a saca potret di un persona cu tabata haciendo un trabao esencial di corta takinan di mata,
cu a crece exponencialmente te cu nan ta colga na forma peligroso riba caminda.
E ciudadano ta apoya e tipo di trabao aki cu ta wordo haci. Sinembargo den mesun rosea, e ta expresa di ta mira cu por haci esaki cu mas ‘seguridad’ na mente, pa asina evita cu e por sufri daño na su mes, y na otronan.
E ta referi cu e persona por bisti handschoen protectivo, bisti goggles pa proteha su wowonan si acaso taki grandi cay riba su cabez, y haci esaki cu vestnan special cu manga largo cu ta ofrece extra proteccion.
E ta djis duna un sugerencia, sperando cu lo por tene cuenta cu proteccion ora di haci tipo di trabaonan aki banda di caminda.
