Layzmina Emerencia hopi optimista
ORANJESTAD (AAN): Pa di dos biaha, e proyecto ‘Baila bo (hi)storia’ lo ta atrobe na Aruba! Esey ta loke e lider di proyecto, e simpatico Layzmina Emerencia a declara durante un conferencia di prensa convoca na Cas di Cultura.
Layzmina a indica cu nan ta ocupa e aña aki cu dos scol, esta Filomena College MAVO y tambe Abraham de Veerschool MAVO. E tabata full gratis pa e participantenan. E proyecto ta uno multi-disciplinario, unda hobennan di edad 12 te 16 aña ta siña kico nan historia ta, di unda nan ta bin, kico ta nan tradicion familiar y cultural. Asina nan lo colecta esaki como un storia colectivo.
Nan ta siña den 4 disciplina pa agrega esaki, pues nan ta inclui tur esey den baile, musica, moda, y tambe graba un short-film cu ta bira e producto final. Tur hende di gruponan ta traha hunto na final pa crea e short-film aki.
Weekend di Presentacion: Segun Emerencia, nan ta culminando e proyecto, y den fin di siman aki nan lo tin presentacion di e short-film, y tambe e actividad grandi cu ta Diamars 1 di Juli 2025 na Cas di Cultura.
Segun Emerencia, e ta trahando cu Samantha Illidge tambe, kende ta encarga cu e produccion di e presentacionnan.
Diabierna 27 di Juni tin presentacion na plenchi di Filomena College MAVO, for di 8:00 pm te cu 9:30 pm, cu premiere di e shortfilm “Connecting The Dots”. E ta habri pa publico tambe.
Diasabra 28 di Juni lo tin na Scol di Arte for di 8:00 pm te cu 9:00 pm e premiere di e shortfilm ‘Celebration”. Tambe ta habri pa publico.
Diamars 1 di Juli tin e Exposicion Final na Cas di Cultura for di 7:00 pm te cu 9:00 pm. E ta habri pa public pagando cinco Florin, pero sigura bo asiento via e website aki:
Hobennan cu den futuro lo kier ta parti di esaki, por contact via email:
This email address is being protected from spambots. You need JavaScript enabled to view it.
Layzmina ta hopi orguyoso di e participantenan e aña aki.
{gallery}Weekend culminante pa proyecto Baila bo (hi)storia na Aruba{/gallery}
