Weddings by Renaissance a habri su portanan oficialmente

ORANJESTAD(AAN):  Cuminsando awe tur hende cu tin planea pa casa, por haci esaki na un manera special via Weddings by Renaissance

cu a caba di habri oficialmente. Den un entrevista cu DIARIO Richelyn Kock, wedding coordinator na Renaissance-Wind Creek Aruba, a splica cu e ta contento cu apertura di nan ‘Wedding Office’ nobo.

“Nos a bay den un espacio chikito, ya cu nos ta un grupo di 4 persona, incluyendo 3 coordinador di bruid y 1 intern”.

Nos tin un meeting room y un area di sinta, ora cu clientenan yega cerca nos, segun Kock, kende a sigui bisa cu Weddings by Renaissance ta pa tanto local como tambe turista. E localnan dimes lo haya un prijs special, segun e coordinador di bruid.

Pa loke ta e lugarnan unda lo tene e bruid, Kock a splica cu e isla priva di Renaissance semper ta bende su mes, pero tambe tin e posibilidad pa haci uso di e ballroom, mirando cu tin hende cu prefera di haci tur cos den airco cu ta mas fresco. Tin tambe e area na Ocean Suites y e parke cu por wordo uza pa organisa un bunita wedding.

Construccion di e oficina di bruid a dura 4 pa 6 luna y awor e ta cla pa ofrece bruidnan di calidad.