Ta anticipa un record nobo di 165 megawatt e aña aki...
* Demanda ta halto door di actividadnan economico y di construccion
* Pero tambe door di olanan di calor
ORANJESTAD (AAN): Director di WEB Aruba NV, Ing. Alfredo Koolman, a duna di conoce diaranson mainta durante un conferencia di prensa cu a yega na e di 257 dia di produccion di coriente continuo na WEB Aruba NV.
El a indica cu esaki ta danki na e operadornan di WEB y na e aporte di tur departamento cu ta logrando esaki. "Nos a stabilisa e planta nobo di motornan RECIP 4 y nos ta sigui consolida. Nos no ta a unda nos mester ta ainda, pero nos ta riba e bon caminda".
Ta trahando cu dos taskforce, un di WEB y otro di e suministrado di e motornan (Wärtsilä) pa lunanan caba y conhuntamente pa ehecuta e plan di stabilisa y consolida na un manera eficiente y efectivo, a bisa.
E traspaso definitivo di e planta nobo RECIP 4 ta posiblemente na November. Tin un demanda halto pa coriente door di actividadnan economico y di construccion, pero tambe door di olanan di calor, a remarca.
E director di e compania di utilidad a sigui splica cu a conoce pa e produccion di WEB Aruba NV, record caba di 160 megawatt (MW) y e demanda piek ta sigui crece e aña aki y ta anticipa un record nobo di 165 MW.
E informacion aki ta regarda produccion di coriente door di WEB Aruba NV y no ta regarda distribucion di coriente door di NV Elmar, a declara.
