ORANJESTAD (AAN): Aruba Vision Center a lansa nan campaña nobo conhuntamente cu Stichting BOB y Mary Joan Foundation.
A presenta e bunita tumbler como simbolo di colaboracion entre e dos fundacionnan aki cu e compania en cuestion. E idea ta pa e fundacion por genera fondo por medio di benta di e tumblernan aki na siguidornan y miembronan di Mary Joan Foundation y Stichting BOB.
Ademas di e presentacion di e tumbler tambe a presenta coleccionnan nobo inspira riba e luna importante di conscientisacion di cancer di pecho. A pone enfasis manera semper riba e importancia tambe di chekeo di wowo frecuente pa preveni problema nan di salud, ademas esaki ta completamente gratis na Aruba Vision Center.
Aruba Vision Center naturalmente ta invita Aruba completo pa por contribui na e dos fundacionnan aki por medio di compra di e bunita tumbler como un recuerdo di consientisacion di cancer di pecho.
