ORANJESTAD (AAN): Alfredo Koolman, Director di WEB Aruba NV a indica cu recien a wordo treci dilanti cu tabata tin algun problema pa loke ta e parke solar na San Nicolas.
El a laga sa cu a menciona cu ta falta di mantencion, pero ta mas bien e ambiente. A bisa cu na San Nicolas ambiente ta asina extremo cu e experiencia cu WEB Aruba NV tin ta pa mantene esey y pa busca parts na Aruba, kiermen atende cu e retonan logistico y esaki a pone cu e produccion di e parke solar a cay.
Mientrastanto a entama un 'approach' di taskforce pa atende cu e mantencion y bin cu proposicionnan pa den futuro si expande e parke solar, pa siña di e experiencia pa cu e situacion ambiental extremo eynan, a splica.
Entretanto a redobla e produccion di e parke solar den e ultimo tres lunanan, Koolman a duna di conoce.
