WEB a honra su team di softball cu a triunfa recien

ORANJESTAD (AAN): Recientemente gerencia di WEB Aruba a duna homenahe na team di softball di SV WEB.

Esaki tawata den cuadro torneo ‘BALLS OUT 2023’, un torneo di softball comercial.

   Team di SV WEB a bataya contra 14 team cu a representa diferente instancia comercial y no comercial. Diadomingo 27 di augustus ultimo nan a logra e titulo di Sub Campeon.

   Durante e reunion, director Alfredo Koolman a felicita e team cu e tremendo logro y teamwork fantastico. Presidente di SV WEB, Miguel Cortes a gradici gerencia pa e apoyo y tambe a felicita e team. Coach di e team, Willy Geerman a gradici e team pa e tremendo trabou y tambe pa e sosten di SV WEB y gerencia. Finalmente e team a ricibi un regalito como muestra di aprecio pa nan gran logro.

   E team di softball ta consisti di colega y contratistanan di diferente sector y departamento di WEB. E union entre nan y no menos importante, e apoyo di nan fanaticada, a duna resultado!