WAW Mobiel Vakantie Kamp ta drenta su ultimo siman y muchanan por inscribí gratis

Wega Riba Wiel

ORANJESTAD (AAN): Manera ta conoci, CEDE Aruba a presenta un proyecto cu ta e WAW Mobiel, dedica specialmente pa muchanan y hobennan por haci movecion den nan bario.

   Durante e prome 6 luna di aña WAW Mobiel, bou guía di instructornan di IBISA a entretene gran cantidad di muchanan den 5 diferente bario tur atardi den siman. Un total di aproximandemente 400 mucha durante e trayectoria a haci movecionan gratuito den nan bario cu WAW mobiel.

   CEDE Aruba mirando e necesidad cu nos muchanan tin pa recrea a cuminsa cu un WAM Mobiel vakantie kamp pa e 3 ultimo simanan di vakantie, bou di guía di 297 Soccer Academy. A escohe 5 diferente localidad pa a organiza e kamp aki, riba dialuna di 9 am pa 11 am. na Centro di Bario Santa Cruz, diamars di 3 p.m. pa 5 p.m. na Centro di Bario Playa Pabou, diaranson di  9 am pa 11am na Centro di Bario Noord, diahuebs di 9 am pa 11 am Joe Laveist Ballpark y tambe ultimo siman di 9 am pa 11 am riba diamars y diabierna na Centro di Bario Savaneta. E siman di 12  pa 16 di Augustus ta e ultimo siman pa participa. Muchanan por participa tur día na e kampnan.

   Tur hoben cu a inscribí riba e link cu tin riba e Facebook page di CEDE Aruba por a participa gratis y tambe ta ricibi fruta, juice y sándwich tur día. Pesey ta pidi pa inscribí pa asina por sa cuanto cuminda mester pa cada día. CEDE Aruba kier a gradici Cmart pa nan contribución pa cu e frutanan fresco y nutritivo, UNHCR, Centronan di Bario y FFD pa nan contribución den nan Facilidadnan.

   Muchanan entre edad di 6 pa 14 aña cu kier participa den e ultimo siman aki por inscribi ainda. Bay online prome cu diasabra 7 di Augustus paso cupo ta limita.