Rotary Club Aruba a participa den beach clean-up

ORANJESTAD (AAN): Un biaha mas, e organisacion di Rotary Club Aruba a forma parti di un beach clean-up hunto cu Interact Club of Aruba - Schakel College y Interact Club of Colegio Arubano.

   E aña aki e beach clean up a worde organiza door di Aruba Tourism Authority dia 28 di juli 2024.

   Rotary Club Aruba a scohe pa haci “Bachelor’s Beach” na San Nicolas limpi. A logra yena hopi saco di sushi cu diferente articulo nan di plastic y otro material sushi cu a worde recogi riba e beach.

  Rotary kier a gradici tur miembro y boluntario nan cu a participa den e beach clean up. Danki tambe na Aruba Tourism Authority cu a organiza e beach clean up aki. Hunto nos ta duna di nos parti pa haci y mantene nos bunita beach nan limpi.