ORANJESTAD (AAN): Tabata Diamars banda di 8:00 pm, cu Wardacosta di Caribe Hulandes a ricibi un notificacion di un persona masculino,
kende a sali for di 5’or di atardi for di area di Bucuti, riba un boto di bela chikito tipo ‘Sunfish’ cu no a regresa back.
Mesora a alerta e avion Dash-8 y e boto ‘Metal Shark’ di Wardacosta pa cuminsa cu e buskeda. Pa mas o menos 9:35 pm, e noticia a drenta cu e persona a yega sano y salvo na canto.
E persona a declara di a haya su mes cu problema riba lama, y cu e mester a landa direccion di tera lagando e boto Sunfish atras na Renaissance Island.
