ORANJESTAD (AAN): Siman pasa, e barco di Marina Real Hulandes, Zr.Ms. Friesland a intercepta un transportacion di droga riba diahuebs 23 di April riba lama cerca di Aruba.
E barco di Marina Real Hulandes tabata nabega bou di bandera di Wardacosta di Caribe Hulandes. Tabata Wardacosta di Caribe Hulandes a detecta un boto cu droga nabegando riba Lama Caribe. Zr.Ms. Friesland a reacciona mesora, y bayendo pa esaki, nan a despacha dos boto di intercepcion rapido tipo FRISC den direccion di e boto sospechoso tipo Go-Fast.
E tres tripulantenan riba e boto a entrega nan mes sin niun tipo di resistencia. E droganan y e tres sospechoso nan a ser entrega na miembronan di Cuerpo Policial (KPA) na Steunpunt di Wardacosta na Savaneta. Mientras tanto a destrui tur droga. Lamentabelmente no a menciona e peso di droga, ni ki tipo di droga.
