Wardacosta di Caribe a yuda rescata naufragonan cerca di Martinique

ORANJESTAD (AAN): Tabata den oranan di anochi, cu Centro Operacional Maritimo (MOC) di Wardacosta di Caribe Hulandes,

a un peticion di MRCC di Fort de France na isla di Martinique, pa asistencia den e buskeda di algun naufrago riba lama.  Hecho ta cu un boto cu 9 persona abordo a perde mey-mey di St. Lucia y Martinique.

   Despues di haya e peticion aki, MOC a manda e avion Dash-8 di Wardacosta pa bay bula riba e area pa haci un buskeda.  Den e buskeda, e avion Dash-8 a logra mira prome dos hende den lama ta landando rumbo pa tera.  Durante e buskeda den e ‘search box’, nan a bin haya 6 hende cu keto bay ta wanta na e kiel di e boto cu a bolter y ta drief ainda.

   Mesora a duna nan ubicacion pa asina un boto di rescate sali di Martinique cu a logra yega na e hendenan aki.  Nan a wordo hisa abordo, y aki a bin haya sa cu nan ta haya falta di 1 persona.  Pero mientras tanto e naufragonan aki a wordo treci bek na tera.

   Despues nan a sigui cu e buskeda pa e persona cu falta.  Sinembargo riba Dialuna, a bin haya e curpa sin bida aki ta drief riba lama.