Despues di un persecucion largo
ORANJESTAD (AAN): Diasabra den oranan di madruga, Wardacosta, den bon cooperacion cu Cuerpo Policial Aruba ta intercepta un boto sospechoso den awanan teritorial di Aruba.
Despues di un persecucion largo a detene e tres personanan abordo, di cual tur tres ta di nacionalidad Venezolano.
Abordo di e boto, Wardacosta a encontra varios pakete cu droga, cu autoridadnan no a specifica e tipo di droga. E paketenan a ser confisca y e tres persona a wordo entrega na Unidad di Crimen Organisa (UGC) di Cuerpo Policial Aruba, pendiente mas investigacion.
