GUADALAJARA: Docternan a bisa cu e famoso cantante di musica ranchera, esta Vicente Fernández a sufri un accident na cas, y a afecta su lomba.
Esaki a socede durante fin di siman cu a pasa.
E cantante di 81 aña di edad a trompeca canando pa su camber na e popular rancho di ‘Los Tres Potrillos’ net pafo di Guadalajara.
Prensa local a bisa cu e caida aki a pone e musico famoso aki wordo opera di urgente na un Hospital na estado di Jalisco. Informacion ta mustra cu nan a opera su columna vertebral, na e area cervical, pa un impacto cu a afecta su structura di weso considerablemente.
Famia a pone un informacion riba Instagram unda nan a sigura cu e estado actual di Vicente Fernández ta grave pero stabil, pasobra ta e secuencia di e trauma causa pa e caida cu a genera un trauma rachimedular na e nivel di e columna cervical.
Despues di operacion nan a pone den Unidad di Intensive Care y riba un ventilador.
E famia a bisa cu nan ta spanta, pero asina un accident ta, y nan tin fe cu tur cos lo sali bon.
