Veld di Bubali preparando pa haya un cura rond di dje

ORANJESTAD (AAN): Fundacion Bubali Sport Complex y S.V. Bubali a informa lo siguiente.

Pa un paar di tempo caba ta reina un vibracion y un insistencia ja hopi promer cu pandemia caba, cu kier a yega na un veld grandi di Turf na tereno di Bubali. Pero despues di 2020 mester a adapta hopi situacion. Hopi pasenshi y sigui kere, y e tempo ey nan mester a dicidi kico ta bay haci: Sea sigui of para completo.

   Nan a dicidi e tempo ey cu nan ta bay sigui den fase. E Promer fase tabata na 2022 cu nan a haci e Proyecto di Luznan LED, cu tambe tabata tin su retonan pero nan ta practicamente cla solamente falta pa stel e Luznan LED riba e veld nobo di turf.

   Tur hende sa cu e binimento di e Proyecto di FIFA Mini-Turf, y esey tabatin su exigencianan pa cu S.V. Bubali. Pa por cuminsa cera e tereno di Sport Vereniging Bubali, pa cuida e propiedad, sera e tereno y converti e veld den un Stadion. Proceso a tarda debi cu Bubali su tereno ta den Huurgrond y a haci peticion pa mas tereno condena, cu na final a logra haya mas tereno pa Sport Doeleinden en derde.

   Despues a bay over pa habri mondi pa haya e penchinan di tereno. Pa un paar di luna atras caba Fundacion y S.V. Bubali tabata tin combersacionnan andando cu FEPA (=Fundacion Enseñansa Pa Aruba).

   FEPA ta un Fundacion cu a wordo lanta na 2007 cu e meta pa promove enseñansa na Aruba, muy especial nos enseñansa pa adulto / Drop -Outs. Oficialmente FEPA ta reconoci door di Land Aruba desde 2019. Cual porcierto Sr. Randolf Vrolijk (dfm) Voorzitter di FEPA tabata hopi motiva pa e bunita proyecto aki cu tin di haber cu deporte y estudio principalmente pa drop-outs por sinja un ofishi y tambe persona nan den bario.

  Nan kier a cuminsa na gradici Gobernador di Aruba, Ex Promer Minister President Evelyn Wever Croes cu a zorg pa pasa un ley pa e club por bin na remarke pa 30 aña e tereno ta den Huurgrond pa e organizacion. Un otro condicion nan di FIFA y cu por sigui bay otro 30 aña mas, pa por yuda e 7 veld nan yega na remarke na e Proyecto di FIFA Nos kier gradici Ex-Minister Otmar Oduber cu a zorg pa por a habri e caminda pa e organizacion di Bubali tin bon contacto nan cu e parti infrastructura di Gobiermo, Ex Minister Dangui Oduber y Ex Minister Endy Croes pa e Proyecto di Luznan LED, awor Minister di Sports Gerlien Croes pa e Proyecto di Omheining/ FIFA Mini-Turf.

   Nan kier a gradici Gobierno di Aruba cu ta wak e Proyecto aki como un continuacion paso na final ta pa nos mes por haci uso di e facilidadnan deportivo y social. Tambe nos kier a gradici ATCo y Apex cu semper ta para fuerte banda di nan. Nan patrocinador principal Super Food kende semper a kere den nan for di comienso cu el a duna nos un opdracht pa bay haci, esey a pone nos, caminda nos ta awe. Nos ta gradici Sr. Ing. Hendrick Croes HJC pa cu e Proyecto di LED LIGHTS cu semper a duna nos bon conseho pa cu e Masterplan.

   Nan ta gradici Sr. Ing. Lionel Mercalina pa e Proyecto di Omheining y tur otro consehonan. Pa nos logra e cura rond di tereno di Bubali tin su gastonan. E ta bira un Proyecto di Omheining cu tin basta na strekende meter y cu ta wordo realisa den fase. Nos ta haci un yamada na e bario di Bubali y Districto di Noord, Fiel Fanaticonan, ex-hungadornan, Hungadornan y Mayornan cu nos ta bay tin mester persona pa yuda voluntariamente pega bloki asina nos por logra e Proyecto di Omheining den fase.

   Nan ta practicamente cla pa start cu e Proyecto pone Cura rond.  E ta un Proyecto grandi y ta bay tuma su tempo pa e cana su caminda den fase. Nos ta haci un yamada na tur e Comerciante nan di Noord y Aruba general pa ban yuda pa un bon causa y asina yuda sera e cura di Sport Vereniging Bubali cu dentro di poco lo ranca sali y asina yuda cuida e Proyecto di FIFA.

   Asina poco poco converti e veld di S.V. Bubali den un Stadion. Nos kier bisa un danki di Curazon na Lotto pa Deporte Sr. Director Figaroan cu a yuda financieramente pa por start e promer fase di Proyecto Omheining. Manera nos tur sa tur Proyecto rond di e veld di Turf, Fundacion Bubali Sport Complex ta dirigi, coordina y mantene e Proyectonan cu tin di haber riba tereno di Bubali.

   Por ultimo nan kier a gradici tur e departamentonan di Gobierno DOW, DIP, DLV, boluntarionan, Compania cu a yuda y cu hopi pasenshi tambe esnancu ta bay yuda awor Gobierno, AVB, FIFA, Tur otro persona cu a yuda nos Danki di curazon. Pa esnan cu ta bay yuda nos tambe hopi danki di curazon Promer fase ta bay bira como 140 stekende meter cual ta basta largo pa un non-profit organizion. Pesey netamente nos mester di hopi yudansa pa nos logra cuminsa y termina e promer fase di cura.