Varios scol y docente a ricibi premio di WE Awards 2025

ORANJESTAD (AAN): Den un ambiente ameno cu hopi emocion, IBiSA hunto cu Gobierno di Aruba,

Fundacion Lotto pa Deporte y Stichting Sportsubsidie Aruba (SSA) a organiza e ceremonia oficial di WE Awards 2025.

   Un evento dedica na honra e esfuerso di scolnan durante di competencianan di Weganan Escolar 2025 (WE 2025). Despues di lunanan di competencia cu tanto entrega y energia, e dia aki a celebra e logronan alcansa.

   Tabata presente na WE Awards 2025 representante di Ministerio di Relacionnan den Reino, Enseñansa, Hubentud, Innovacion y Deporte Señora Kamilah Dammers, Director Suplente di IBiSA Sr. William Erasmus, Director di Fundacion Lotto pa Deporte Sr. Junny Figaroa, Bestuurder di y Stichting Sportsubsidie Aruba (SSA) Señora Josephina Maduro, directornan y docentenan di scolnan participante y sin laga afo nos coleganan di IBiSA.  Aki DIARIO ta presenta e premacion di WE Awards 2025:

   Premio di Docente di e Aña: Pa VO (Scol Secundario): Alwin Toppenberg di Colegio Arubano cu a gana 250 Florin.   Pa KO (Scol Cunuco): Christen Goeloe di Scol Preparatorio Nos Paraiso cu a gana 250 Florin.  Pa BO (Scol Basico): Marvic Bermudez di Scol Preparatorio Kudawecha cu a gana 250 Florin.

   Ganadornan pa Categoria Deportivo: Volleybal C (Mucha muhe): Colegio Nigel Matthew a ricibi 500 Florin.  Pa Volleybal C (Mucha homber): Colegio Nigel Matthew a ricibi 500 Florin.  Pa Voetbal B (Mucha homber): International School of Aruba cu 500 Florin.  Pa Voetbal C (Mucha homber): Colegio Arubano cu 500 Florin.  Pa Kids Athletics: Imelda Kleuterschool (Afl. 500), Pa Voetbal K (Mucha muhe): S.P. Nos Paraiso (Afl. 500), Voetbal B (Mucha Muhe): S.P. Kudawecha (Afl. 500).

   Mas premio di Categoria Deportivo: Pa Voetbal K (Mucha homber): S.P. Prome Paso (Afl. 500), Pa We Mente: Maria Goretti College (Afl. 500), pa Volleybal B (Mucha muhe): Colegio Frere Bonifacius (Afl. 500), pa Voetbal A (Mucha homber): Mon Plaisir B.S. (Afl. 500), y pa Landamento: S.B. Washington (Afl. 500).

   Ganadornan Absoluto:  Pa Scol Secundario (VO), tercer lugar pa Colegio San Augustin (Afl. 500), segundo lugar pa Colegio Nigel Matthew (Afl. 1.000), y prome lugar pa Colegio Arubano (Afl. 1.500)

   Pa Scol Primario (KO), tercer lugar pa Imelda Kleuterschool (Afl. 500), segundo lugar pa S.P. Prome Paso (Afl. 1.000), y prome lugar S.P. Nos Paraiso (Afl. 1.500).

   Pa Scol Basico (BO): tercer lugar pa Maria Goretti College (Afl. 700), segundo lugar pa S.B. Washington (Afl. 1.250), y prome lugar pa Scol Primario Kudawecha (Afl. 1.800)

   Un cambio importante pa e edicion aki tabata introduccion di un reparticion di premio mas husto, caminda no solamente e ganadornan absoluto a ricibi reconocimiento, pero tambe scolnan cu a sobresali den cada deporte.

   Nan ta sumamente agradecido na Ministerio di Relacionnan den Reino, Enseñansa, Hubentud, Innovacion y Deporte, Fundacion Lotto pa Deporte y Stichting Sportsubsidie Aruba (SSA) pa nan sosten cu a permiti cu e Weganan Escolar 2025 por a tuma luga.

   Por ultimo nos ta felicita tur participantenan y ganadornan di Weganan Escolar 2025, boso esfuerso y dedicacion ta inspiracion pa IBiSA sigui promove y organiza eventonan deportivo pa henter Aruba.