Varios persona local ta registra oficialmente como Instaladornan di Gas

ORANJESTAD (AAN): A base di art. 13 Veiligheidsbesluit gasreservoirs en gasinstallaties, Departamento di DTI tin un registro di instaladornan di gas.

   Recientemente DTI a otorga na e instaladornan di gas reconoci un prolongacion di nan installateursvergunning por medio di un badge di 2022 y tambe nan a ricibi nan Decreto Ministerial (Ministeriële Beschikking) .

   Informacion a ser duna un bez mas encuanto reglanan y vigilancia cu ta ser uza riba e calidad di nan trabao pa asina por garantisa seguridad y un mihor servicio na e comunidad di Aruba.
   E otorgamento a tuma lugar door di Hoofd van Dienst wnd., Señora Richella Dorothal y Chef Stoomwezen,  Sr. Sylvio Werleman.  Tin un total di 10 Gasinstallateur registra pa aña 2022.

   E register oficial di e instaladornan reconoci door di DTI pa 2022 ta obtenibel via email This email address is being protected from spambots. You need JavaScript enabled to view it., facebook y na balie di DTI.

   A base di art. 2, AB 2005 no 72, tur instalacion di gas cu ta ser utiliza pa uzo comercial, mester worde gekeurd door di DTI y pa esaki tuma lugar, tin un proceso cu mester worde cana por medio di e instalador di gas cu ta riba e registro di DTI.

   Tur restaurants, hotels, appartementen complex, foodtrucks, panaderia, laundry y lo demas lugarnan cu tin un instalacion di gas pa uzo comercial tin cu contact un di e instaladornan reconoci pa asina encamina e proceso di keuring door di DTI.

   Sin un instalador di gas reconoci pa DTI e keuring no por tuma lugar.  Un instalacion di gas cu worde gekeurd lo ricibi un vergunnig y su fecha di vencimento lo ta despues di 5 aña.  Esaki ta indica cu cada 5 aña un instalacion di gas tin cu worde herkeurd.

   Con bo por bin na remarca pa ta un instalador di gas reconoci:  Pa bo bin na remarca como un instalador di gas reconoci, e persona/compañia mester tin por lo menos un diploma MTS-werktuigbouwkunde of un diploma gelijkgesteld y lo mester entrega un peticion por escrito indicando cu e ta desea di ser reconoci como un instalador di gas.

  Despues di esaki lo sigui un interview cu e persona pa asina evalua su experiencianan y conocimento di e materia.

   Pa mas informacion por tuma contacto via e email This email address is being protected from spambots. You need JavaScript enabled to view it..
DTI ta gradici e instaladornan pa nan trabaonan eherci durante e añanan anterior y tambe ta desea nan, tur clase di exito.

Esnan cu es aña aki ta riba e registro di instalador reconoci door di DTI ta ta Edwin Blijden, Sandy Adrien, Darrel Alias, Herbert Beeldsnijder, Carlos Wolff, Nelson Gomez, Victor Helder, Carroll Simon, Denny Kock, y Eric van der Linden.