Varios organizacion ta tene caminata den Parke Arikok

ORANJESTAD (AAN): Esaki ta un forma fenomenal, pa comunidad conecta cu naturalesa, via di caminata den Parke Arikok.

   Segun Aruba Conservation Foundation, recien nan a ricibi un solicitacion pa un caminata en conexion cu Dia Mundial Di Mama Tera di Pan American Development Foundation (PADF) di Aruba.

   E meta tabata simpel, un caminata cu informacion pa conscientisa y educa e participantenan di e impacto di actividad humano riba nos recursonan natural.

    Pa siña mas Aruba su naturalesa diverso cu varios di nos caminatanan por bishita nan website:

acf.aw/experiences

   Esnan di Parke Arikok kier gradici PADF pa e solicitacion y e bunita palabra nan di Amy Richards, Program Manager Aruba di PADF: “E hike tabata tremendo! E distancia tabata net bon, e splicacion di Jose tabata sumamente interesante y interactivo y e grupo a pasa hopi bon. Varios a expresa e deseo pa sigui hike, y pa sa mas di Aruba su naturalesa. Nos a cumpli cu nos obhetivo!”