ORANJESTAD (AAN): Tabata Diamars 18 di Mei cu e Departamento di Telecomunicacion DTZ a manda un carta pa tur emisora di radio y di TV na Aruba,
pa recorda nan riba loke ley ta stipula y cu ta valido pa esnan cu ta transmiti pa publico
Nan ta recorda e emisoranan, cu segun ley, e minuutnan di transmision pa cada partido politico no mag di ta mas largo cu 30 minuut pa siman. Y cada emisora tin di duna cada partido politico e mesun tratamento aki.
Ademas, propaganda politico cu ta pasa por tin un largura maximo di 60 seconde. Pero cada partido politico no mag di pasa mas di 5 propaganda pa dia na e mesun emisora. E maximo ta 100 propaganda pa luna.
E carta aki aparentemente no a cay den bon tera cerca algun hende. Aunke DTZ a mustra cu ta di 13 di April 2021 caba nan a manda un recordatorio pa tur compania local di Radio y TV riba e leynan.
Algun emisora ya a bisa, cu nan lo sigui cu nan programa di entrevista politico riba social media, y ta bypass e reglanan asina di DTZ.
