Tiki consuelo debi cu no tin Pagara...
ORANJESTAD (AAN): Manera ya caba DIARIO a pronostica di luna di October, e biaha aki pa cera fin di 2024, lo no tin ningun Pagara na benta, y tampoco Pagara di tamaño di 5 miyon tiro bay ariba, pa negoshinan grandi despedi di aña bieu cune.
Rubin Ponson di DOW a confirma esey pa DIARIO, y el a agrega cu como cu hopi compania lo no por haya acceso na Pagara pa tira pa publico bay mira... a dicidi e ora pa busca servicio di companianan local pa setup un show di Vuurwerk den oranan di anochi.
Segun Ponson, nan a ricibi mas peticion di companianan local pa haya permiso y keda cla cu tur papeleo pa por bay duna un show di vuurwerk e dianan venidero. Pues lo bay tin hopi mas show den cielo, y esaki ta pa compensa y reemplaza e Pagaranan cu nan lo no por tira e biaha aki.
